UFLEX
Ariza
Xizmatlar

CRM va ERP tizim yaratish — biznes jarayonlarini bitta dasturda avtomatlashtirish

Excel jadvallar, daftarlar va chatlardagi ishni bitta tizimga yig‘amiz. CRM va ERP tizimni tayyor shablon asosida emas, aynan sizning ish jarayonlaringizga moslab yaratamiz.

Ariza qoldirish

Biznes o‘sgan sari buyurtmalar, qarzlar, qoldiqlar va xodimlar ishini jadval va xabarlar orqali kuzatish qiyinlashadi: ma’lumot yo‘qoladi, hisobotlar kechikadi, rahbar real holatni ko‘rmaydi. CRM tizim mijozlar va savdo bilan ishlashni tartibga soladi, ERP tizim esa ombor, ishlab chiqarish, yetkazish va moliyani bir joyga jamlaydi. Biz ikkalasini ham jarayoningizga moslab, kerakli modullardan quramiz.

Ishni jarayonni o‘rganishdan boshlaymiz: kim nima qiladi, hujjat qayerdan qayerga o‘tadi, rahbar qanday hisobotlarni ko‘rishi kerak. Keyin veb-panel, kerak bo‘lsa xodimlar uchun mobil ilova va Telegram bot yaratamiz. Texnologiyalar: React va TypeScript, Node.js (Express yoki NestJS), PostgreSQL va Redis. Tizim bulut serverda ishlaydi, unga ofisdan ham, telefondan ham kirish mumkin.

Distributsiya kompaniyasi uchun CRM, katalog, buyurtmalar, ombor, yetkazish, to‘lov va qaytarishlarni qamraydigan tizim yaratganmiz. Tom yopish materiallari do‘koni uchun ERP tizimi esa macOS ilovasi va mijozlarga Telegram orqali boradigan xabarlar bilan birga ishlaydi. Namangandamiz, O‘zbekistonning istalgan shahridagi mijozlar bilan masofadan ishlaymiz.

Nimalar qilamiz

  • Mijozlar bazasi (CRM)Mijozlar tarixi, buyurtmalar, qarzdorlik va muloqotlar bir joyda.
  • Buyurtmalar va savdoBuyurtmani qabul qilishdan yetkazib berishgacha bo‘lgan barcha holatlar.
  • Ombor va ta’minotKirim, chiqim, qoldiq va ko‘chirishlar avtomatik hisoblanadi.
  • Rollar va ruxsatlarHar bir xodim faqat o‘ziga kerakli bo‘lim va amallarni ko‘radi.
  • Hisobotlar va tahlilSavdo, qoldiq, qarz va xodimlar ishi bo‘yicha tayyor hisobotlar.
  • Mobil ilova va botAgent, kuryer va xodimlar uchun ilova yoki Telegram bot.

Kimlar uchun

  • Distribyutorlar va ulgurji savdo
  • Qurilish materiallari do‘konlari
  • Ishlab chiqarish korxonalari
  • Yetkazib berish xizmatlari
  • Maktablar va avtomaktablar
  • Novvoyxona va oziq-ovqat biznesi

Shu yo‘nalishdagi loyihalar

Barcha loyihalar

Mavzuga oid maqolalar

Barcha maqolalar

Savollar

  • CRM yoki ERP tizim narxi qancha?

    Narx loyiha hajmiga bog‘liq: modullar soni, foydalanuvchi rollari, ilova va integratsiyalar. Ariza qoldiring — vazifani aniqlab, narx va muddatni aytamiz.

  • Tayyor CRM o‘rniga nega buyurtma asosidagi tizim?

    Tayyor tizimlarda ish jarayonini dasturga moslashga to‘g‘ri keladi. Buyurtma asosidagi tizim esa sizning ish tartibingiz, hujjatlaringiz va hisobotlaringizga moslab quriladi.

  • Eski Excel ma’lumotlarini ko‘chirib bo‘ladimi?

    Ha, mijozlar, mahsulotlar va qoldiqlar kabi ma’lumotlarni Excel yoki boshqa dasturdan import qilish mumkin. Qanday ma’lumot borligini ko‘rib, ko‘chirish rejasini kelishib olamiz.

  • Tizimni keyinchalik kengaytirish mumkinmi?

    Ha. Avval asosiy modullar ishga tushiriladi, keyin yangi bo‘limlar, ilovalar va integratsiyalar bosqichma-bosqich qo‘shiladi.

Boshqa xizmatlar