Desktop ilova — macOS va Windows uchun oflayn ishlaydigan dasturlar
Kassa, ombor yoki ofis ishi uchun kompyuterga o‘rnatiladigan dastur kerak bo‘lsa, macOS va Windows uchun desktop ilova yaratamiz. U internetsiz ham ishlaydi va o‘zi yangilanadi.
Brauzerdagi tizim ko‘p hollarda qulay, lekin ba’zi ishlar uchun kompyuterga o‘rnatiladigan dastur yaxshiroq: savdo nuqtasida internet uzilishi mumkin, kassir bir oynada tez ishlashi, printer va boshqa qurilmalar esa to‘g‘ridan-to‘g‘ri ulanishi kerak. Desktop ilova aynan shunday holatlar uchun: u kompyuterda tez ishga tushadi, ma’lumotni mahalliy saqlaydi va serverdagi asosiy tizim bilan ma’lumot almashadi.
Desktop ilovalarni Tauri va Neutralino yordamida quramiz: ular yengil, kam joy egallaydi va veb-texnologiyalar (React, TypeScript) asosida yoziladi, shuning uchun veb-panel bilan bir xil interfeysdan foydalanish mumkin. Avtomatik yangilanish o‘rnatiladi: yangi versiya chiqqanda dastur xodimlar kompyuterida o‘zi yangilanadi, har bir kompyuterga alohida borib o‘rnatish shart emas.
Tom yopish materiallari do‘koni uchun qilingan ERP tizimining macOS ilovasi avtomatik yangilanish bilan ishlaydi. Avto ehtiyot qismlar do‘koni uchun yaratilgan desktop ilova internet bo‘lmaganda ham savdoni davom ettiradi va keyin ma’lumotlarni server bilan sinxronlaydi. Yetkazib berish xizmati uchun qilingan tizimda esa admin panel Windows ilovasi sifatida ham ishlaydi. Har bir loyihada desktop ilova umumiy tizimning bir qismi sifatida yaratiladi.
Nimalar qilamiz
- macOS va WindowsBitta kod bazasidan ikkala operatsion tizim uchun dastur.
- Oflayn rejimInternet uzilganda ham ishlaydi, keyin server bilan sinxronlanadi.
- Avtomatik yangilanishYangi versiya xodimlar kompyuteriga o‘zi o‘rnatiladi.
- Qurilmalar bilan ishlashChek printeri va boshqa qurilmalarga to‘g‘ridan-to‘g‘ri ulanish.
- Yengil va tezTauri va Neutralino asosida kam resurs talab qiladigan ilovalar.
- Umumiy tizim bilan bog‘liqDesktop, veb-panel va mobil ilova bitta bazadan foydalanadi.
Kimlar uchun
- Kassa va savdo nuqtalari
- Omborlar
- Ofis xodimlari va buxgalteriya
- Ishlab chiqarish sexlari
- Internet beqaror hududlardagi bizneslar
- Ko‘p kompyuterli ofislar
Shu yo‘nalishdagi loyihalar
Barcha loyihalar-
- Server (API)
- Admin panel
- Windows desktop ilova
- Mijoz va kuryer ilovasi
- Push-bildirishnomalar
- +2
Yetkazib berish xizmati
Yetkazib berish xizmati uchun server, Windows ilovasi ham bor admin panel, mijoz va kuryer uchun bitta mobil ilova hamda landing sayt.
-
- ERP tizimi
- Sotuv va ombor
- Mijozlar va yetkazib beruvchilar
- macOS desktop ilova
- Telegram xabarlari
- +3
Tom materiallari do‘koni
Tom yopish materiallari do‘koni uchun ERP, avtomatik yangilanadigan macOS ilova, mijozlarga Telegram orqali xabarlar, 3D tom dizayneri va AI tahlil boti.
-
- Server
- Oflayn desktop ilova
- Lokal baza va sinxronlash
- Avtomatik yangilanish
- Telegram bot
- +1
Avto ehtiyot qismlar
Avto ehtiyot qismlar do‘koni uchun server, internetsiz ham ishlaydigan va avtomatik yangilanadigan desktop ilova hamda sotuv va yetkazib berish uchun Telegram bot.
Savollar
Desktop ilova yaratish narxi qancha?
Narx ilova vazifalari, ulanadigan qurilmalar va server qismiga bog‘liq. Ariza qoldiring — vazifani aniqlab, narx va muddatni aytamiz.
Nega veb-tizim emas, desktop ilova?
Oflayn ishlash, printer va qurilmalarga to‘g‘ridan-to‘g‘ri ulanish yoki doim ochiq turadigan ish oynasi kerak bo‘lsa, desktop ilova qulayroq. Boshqa holatlarda veb-panel yetarli bo‘lishi mumkin — buni birga aniqlaymiz.
Dastur qanday yangilanadi?
Avtomatik yangilanish o‘rnatiladi: yangi versiya chiqarilganda dastur uni o‘zi yuklab oladi. Har bir kompyuterga qayta o‘rnatish shart emas.
Internet bo‘lmasa ma’lumotlar yo‘qolmaydimi?
Yo‘q. Ma’lumotlar kompyuterda saqlanadi va internet qaytgach serverga yuboriladi.